Алар “селкенү” турындагы хәбәрләр белән республиканың Гадәттән тыш хәлләр министрлыгының диспетчер хезмәтенә мөрәҗәгать итәләр
Татарстанның кайбер районнары һәм шәһәрләре халкы бүген иртән җир асты селкенүләрен сизгән. Борчыла башлаган гражданнар республиканың Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының дежур хезмәтләренә шалтырата башлаган.
“Татар-информ” МАна Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе матбугат хезмәте җитәкчесе хәбәр иткәнчә, соңгы 25 минутта кайбер муниципаль районнарның бердәм диспетчер хезмәтләренә гражаданнардан чынлап та җир асты селкенүләрен сизгәнлекләре турында хәбәрләр килеп ирешә. “Татар-информ” МАда булган мәгълүмат буенча, җир асты селкенүләрен Казан, Яр Чаллы, Алабуга һәм Яшел Үзән халкы сизгән.
Сейсмологлар бу фактны әле расламаган. Шулай ук булган хәлләр нәтиҗәсендә зыян күрүчеләр һәм гражданнарның милкенә зыян салыну турында мәгълүмат юк.
Юлия РЕВИНА
в„– | 24.05.2013