Календарь җәй аеның беренчесе башланып, 3 тәүлектә генә дә Татарстан юлларында13 кеше һәлак булган һәм 59ы имгәнгән, җәрәхәтләнгән – кешеләргә турыдан-туры бәла-каза, фаҗига китергән 53 транспорт һәлакәте нәтиҗәсе шундый. Бу исәпкә Казанда 1 кешенең гомерен алган һәм 16сына тән казасы салган 15 транспорт һәлакәте дә керә.
Кичә кичке 7 нче 12 минутта Мәскәү - Уфа юлының Питрәч районы турынсындагы 875 нче чакрымында “Пежо Партнер” автомобиле белән идарә иткән 1993 елгы егет юл йөрү кагыйдәләренең 9.10 һәм 10. пунктларын бозган – юл читендә туктап торган “Скания”не яннан зур тизлектә килеп бәрдергән дип фаразлана. Нәтиҗәдә, “Пежо Партнер”ның 1955 елгы пассажиры бәрелүләреннән һәлакәт урынында мәңгелеккә күзләрен йомган.
Республика ЮХИДИ идарәсенең статистик белешмәләре шундый. Моннан тыш, узган тәүлектә республика территориясендә исерек килеш транспорт белән идарә иткән 83 кеше юлларда тәртип сакчыларына эләккән. Республиканың дәүләт автоинспекциясе, исерек хәлдә транспорт белән идарә итүнең авыр нәтиҗәләргә, фаҗигагә китерә торган һәлакәтләргә җиткерү ихтималы зур, дип кисәтә.
Миләүшә НИЗАМЕТДИНОВА
в„–--- | 04.06.2013