Айдар авылында “сөлге җыю” йоласыннан ФОТОрепортаж #6199

22.06.2012 Милләт
Сабантуе бәйрәменең иң матур өлеше – бүләк җыю. Кайбер төбәкләрдә бу йола бүгенгәчә сакланган. Авылларда ул “сөлге җыю” дип атала. Без сезгә Теләче районы Айдар авылында узган “сөлге җыю” йоласыннан фоторепортаж карарга тәкъдим итәбез.

Бүләкләрне җыю гадәттә яшь егетләргә тапшырыла. Авылның бер башыннан икенчесенә барып җиткәнче, бу төркемгә 30-40 бала өстәлгән. Авылның баянчысы “Авыл көе”, “Алмагачлар”, “Күбәләгем” көен уйнаган, төркемдәгеләр җырлаганнар, түгәрәк ясап биегәннәр. Бүләк бирүчегә багышлап такмак әйткәннәр, хуҗаны биеткәннәр.

Бүләк итеп чиккән сөлге, кулъяулык, ситсы әзерләнгән. Яңа кияүгә чыккан яшь киленнәр чиккән сөлге биргәннәр. Бүләкләр озын колгага бәйләнгән. Чигелгән сөлгеләр гадәттә соңгы килгән ат муенына тагылган.