Татарстан Республикасы мәдәният министрлыгы ел саен үткәрелеп килүче "Тантана"(«Триумф») - 2016 театраль премиясенә номинантлар исемлеген игълан итте. Г.Камал исемендәге Татар дәүләт Академия театры 4 номинациядә катнаша. «Тантана» - театр сәнгатендәге иҗади һәм иҗтимагый казанышлары өчен ел саен бирелүче профессиональ премия. Аның акчалата күләме - 50 мең сум.
2016 елда 15 дәүләт һәм 6 дәүләтнеке булмаган театрлардан премияга дәгъвә белән 11 номинациягә 128 заявка килгән.
Шул исемлектән Камал театры 4 номинациядә катнаша:
"Ел вакыйгасы": Ж.-Б.Мольер «Дон Жуан».
"Иң яхшы ир-ат роле": Татарстан Республикасының атказанган артисты Радик Бариев - Ж.-Б.Мольерның «Дон Жуан» спектаклендә Дон Жуан роле өчен.
"Икенче пландагы иң яхшы ир-ат роле": Татарстан Республикасының атказанган артисты Илтөзәр Мөхәмәтгалиев - Ж.-Б.Мольерның «Дон Жуан» спектаклендә Дон Луис роле өчен.
"Дебют": Айгөл Абашева - Ж.-Б.Мольерның «Дон Жуан» спектаклендә Шарлотта роле өчен.
Премияләрне тапшыру тантанасы 27 мартта 16.00 сәгатьтә Г.Камал исемендәге Татар дәүләт Академия театрының зур сәхнәсендә үтә. Билет алырга: 293-03-74.
---
--- | 18.03.2016
