Ничәмә еллар танцполны дәртле җырлар белән кыздырган Рөстәм Исхаковның татар дискотекаларыннан күңеле кайткан. Яшьләрнең үз-үзләрен тотышы белән дә килешми.
Рөстәм:
- Татар дискотекаларының яшьләргә файдасы юк, дигән нәтиҗәгә килдем.Меңләгән кеше йөри татар концерт, дискәтүкләренә генә, шул халыкка бераз юнәлеш биреп илдәге хәлләргә битараф калмаска кирәклекне җиткерә алсак зур адым булыр иде. Тагын бер юл, алып баручыларның, сөйләмгә бәйле чыгышларынаа кирәкле оеткы салу. Яшьләргә заманча татар лидерлары, үрнәк эшмәкәрләр, карап иярә алырлык шәхесләр кирәк. Бүген татар дискәтүкләре коры акча эшләүгә кайтып калды, "татарча ял итик" дисәләр дә, танцполда русча сөйләшәләр, сәхнәдән генә татар җырлары яңгырый, "братан", "брат", "подружка"лар күңел ача анда. Элегрәк татар дискәтүкләре акча эшләү максаты белән ачылмады, "Барс-Медиа" үткәргән дискотекалар да кызык үтә иде. Ул дискәтүкләрнең берсендә мин булачак тормыш иптәшемне очраттым да инде. Тик бу хәлләргә 5 ел вакыт үткән, бүген татар дискәтүге урыслаштыра, эчертә, чишендерә, татар егет кызларының дәрәҗәләрен төшерә. Безгә, "татарлар, татар теле бетә" дип түгел, төгәл, югары максатлар куеп яшәргә кирәк. Бетә дисәң, бетеп тә куярга мөмкин, ә менә нидер булдыру, милләттәшләребезнең рухын күтәрү бездән тора.
---
в„–--- | 13.01.2013