Ришат Төхвәтуллинның Казандагы өченче концертында да зал шыгрым иде (ФОТО)

15.03.2013 Мәдәният
12 мартта Казанда яшь җырчы, Рәшит Ваһапов фестивале лауреаты Ришат Төхвәтуллинның чираттагы концерты узды. Бу инде – Ришатның соңгы ярты елда Казандагы өченче концерты. Һәм бу юлы да Казан Ришатны шыгрым тулы зал белән каршылады. Алай гына да түгел, Татар дәүләт филармониясе залына өстәмә урындыклар куярга мәҗбүр булдылар, залга эләгә алмыйча урамда калганнар да шактый булды. Ришатның һәр җырын тамашачы кайнар алкышларга күмде.

Концертны Замирә Гәрәева алып барды. “Мирас” инструменталь ансамбле һәм “Сәйдәш” бию төркеме чыгышлары да җылы кабул ителде. Яшь башкорт җырчысы Фәридә Газзалова белән Ришат дуэт башкардылар. Ә инде Ваһапов фестиваленең гран-при иясе Филүс Каһировның концертта катнашуы нур өстенә нур булды.

Филүс белән Ришатның продюсеры Рифат Фәттаховның һәм егетләрнең вокал буенча беренче педагогы, Башкортостан Республикасының Октябрьский музыка училищесы укытучысы Галия Мусинаның сәхнәгә күтәрелеп яшь җырчыларга җылы сүз әйтүе тамашаның дулкынландыргыч мизгеле булды.

Ахырда исә рәхмәтле тамашачы Ришат Төхвәтуллинны аягүрә басып алкышлады.

1

2

3

4

5

6

7

8

9

10

11

12

13

14

15


Александр Эшкинин фотолары.
 

в„– |