Quantcast
Channel: Matbugat.ru RSS
Viewing all 24670 articles
Browse latest View live
↧

Казандагы коточкыч һәлакәтнең сәбәбе билгеле булды (ФОТО, ВИДЕО)

September 3, 2016, 5:00 am
$
0
0
02.09.2016 Фаҗига
1 сентябрьдә, Осиново бистәсендә, "Салават күпере" торак комплексындагы Осиновская урамындагы 14 нче йорт янында булган коточкыч юл-транспорт һәлакәте турында хәбәр ителгән иде. Юлда "Шевроле Лачетти" һәм "Нива" машиналары бәрелешкәнлеге әйтелде. Һәлакәт аркасында "Шевроле Лачетти" йөртүчесе урында ук вафат булган, аның машинасындагы пассажир – 37 яшьлек ир-ат хастаханәдә җан бирде, диелде.
Бактың исә, "Шевроле Лачетти" моңа кадәр дә һәлакәт тудырган һәм шул сәбәпле аның йөртүчесе полиция хезмәткәрләреннән качып йөргән, дип җиткерелә. Тулырак – видеоязмада.    


---

--- | 02.09.2016
↧
Search

Рөстәм Закиров, “Зөләйлә”, Резедә Кадыйровалар Татар Әйшәсе авылын гөрләтте (ВИДЕО)

September 3, 2016, 5:00 am
$
0
0
02.09.2016 Мәдәният
GongTV каналы Татар Әйшәсе авылы мәктәбенең 90-еллыгын бәйрәм итү чарасыннан репортаж тәкъдим итә. Тантанага мәктәпне төрле елларда тәмамлаган, чит төбәкләрдә яшәүче укучылар кайтты, гыйлем сабаклары биргән укытучылар җыелды.
Бәйрәм концертында Миңгол Галиев, Рөстәм Закиров, “Зөләйлә” төркеме, Резедә Кадыйрова, Фидәрис һәм Рузалия Мортазиннар, Илфат Шәихов, Габдулла Тукай исемендәге Әтнә дәүләт драма театры артистлары катнашты.   


Гөлшат МИНГАЗИЗОВА

--- | 03.09.2016
↧
↧

"Иренең хыянәте яисә эчкечелеге белән очрашкан яшь әни, бу китапта, бәлки, алга таба тормышына дөрес юл табар"

September 3, 2016, 5:00 am
$
0
0
02.09.2016 Әдәбият
"Сабантуй" газетасының элеккене баш мөхәррире, балалар язучысы Ләлә Гыймадиева (Сабирова) өлкәннәр игътибарына беренче китабын тәкъдим итте. "Бер уч борчак" дигән җыентыкта элек һәм бүген татар гаиләсендәге үзенчәлекле мөнәсәбәтләр, сынаулар, язмышлар, гыйбрәтле хәлләр тасвирлана. Автор белән әлеге китап турында әңгәмә кордык.
- Ләлә апа, без сезне балалар язучысы буларак беләбез. Бусы – өлкәннәр өчен беренче китабыгыз икән. Ни өчен хәзер генә өлкәннәргә күчтегез?   - Чынлап та, моңарчы бөтен иҗатым балалар дөньясына бәйле иде. Әмма тормышымның өлкәннәр чынбарлыгына кагылышлы икенче өлеше кәгазь битенә күчми калды. Чынбырлыктан алынган кызык яисә кызганыч язмышлар укучыларны битараф калдырмас дип ышанам. Гыйбрәт булырдай үрнәкләр бар.   - Бүгенге яшь татар гаиләсенә бу китапта язылганнар аңлашылырмы икән?   - Мәсәлән, бүген иренең хыянәте яисә эчкечелеге белән беренче тапкыр очрашкан яшь әни, китаптагы вакыйгалар белән танышкач, бәлки алга таба тормышына дөрес юл табар. Өлкәнрәкләр күңелен басар, нәтиҗә ясар. Әмма бу китап аша мин акыл өйрәтергә теләмим, моңа хакым да юк. Минем максат – укучының уй-хисләрен кузгату.   - Әлеге әсәрдә үзегез белгән шәхесләрнең тормышы сурәтләнде дип әйтеп буламы?   - Китаптагы бер герой, бер вакыйга да уйлап чыгарылмаган, бөтенесе тормыштан алынган.   - Геройлар бүген дә билгеле шәхесләр булгач, алар үзләрен танып, ачуланып шалтыратмасмы?   - Китапны укып чыгучылар шалтыраталар. Өч иптәш шалтыратты, күптән түгел генә. Өчесе дә: “Бу безнең институтта бергә укыган төркемдәш турында”, - дип әйтәләр. Һәм барысы да өч төрле кеше турында сөйли. Үз тормышымда да хаталар булмады түгел, беркем дә килеп төзәтмәде аларны. Барысына да тормыш үзе өйрәтә. Аның сабакларыннан чыгып язылган китап бу.   - Хикәядәге вакыйгалар татардагы ир-хатын мөнәсәбәтләренә хасмы, әллә искәрмәме?   - Элеккеге татар гаиләсе белән бүгенгесе нык аерыла. Элек ата-ана сүзеннән чыгу юк иде, хәзер балаларда мөстәкыйльлек күбрәк. Әти-әни тәҗрибәсе, заманага карамастан, кирәкле нәрсә дип уйлыйм.   - Китапта язылган хәлләрдә калмас өчен ни эшләргә кирәк?   - Мәхәббәткә корылган гаилә кору өчен тырышырга кирәк.   - Китапта Сталин телгә алына, ни өчен ул анда керде?   - Анысы инде шул чор кешеләренең сөйләүләре буенча язылды. “Сталин” сүзе алар өчен куркыныч, тирән, дулкынландыргыч мәгънәгә ия.   - Алга таба өлкәннәр өчен тагын китап чыгарырга ниятегез бармы?   - Ният бар. Материаллар, әйтәсе сүз байтак җыелды.   - “Бер уч борчак” дигән исем нәрсә хакында сөйли?   - Кыскача әйткәндә, китапта вакыйгалар өере бер уч борчактан башлана. Адәмне кеше итүче дә бер уч борчак, харап итүче дә...   "Бер уч борчак" китабыннен өзекне моннан укый аласыз: http://matbugat.ru/news/?id=16092      

 


---

--- | 02.09.2016
↧

Казанның Көньяк трассасында ярымшәрә кызлар ир-атлардан акча һәм футболка сорашкан (ВИДЕО)

September 3, 2016, 5:00 am
$
0
0
02.09.2016 Җәмгыять
Казанның Җиңү проспектында ярымшәрә хатын-кызларның караңгыда машиналар туктатуын сурәтләүче видеоязма Интернетны "шартлатты". Берни дә аңламыйча шок хәлендә калган ир-атлардан гүзәл затлар... нибары футболка яки 100 сум акча сорашкан.
Сәер кыланмышларын кызлар Түбән Новгородка барулары белән аңлата. Машина йөртүчеләр исә бу хәлне чираттагы реклама акциясенә "сылтаган", дип яза sntat.ru.  


---

--- | 02.09.2016
↧

Мәскәүдә янган типография җитәкчеләре федераль эзләүгә игълан ителгән

September 3, 2016, 5:00 am
$
0
0
02.09.2016 Криминал
Мәскәүнең төньяк-көнчыгышында типографиянең ике җитәкчесе федераль эзләүгә игълан ителгән. Бу хакта Россия Тикшерү комитетының башкала идарәсе вәкиле Юлия Иванова хәбәр итте. Бу хакта "Интерфакс" яза. Аның сүзләренчә, тикшерүчеләр янгын куркынычсызлыгы таләпләре үтәлү өчен җаваплы "Печатный экспресс" типографиясе" ҖЧҖ генераль директоры Сергей Москвинга һәм баш инженер Антон Яцковка читтән торып гаепләү белдергән.

Искәртеп үтик: 27 августта Мәскәүнең төньяк-көнчыгышында типография булган янгында 17 кешенең гомере өзелгән. Кыргызстанның 14 гражданы һәм Россиянең 3 гражданы янгын корбаны булган. Һәлак булучыларның берсе бала көткән. Кыргызстанның өч гражданы Мәскәү хастаханәләрендә кала.

Россия Генераль прокуратурасы ачыклаганча, Кыргызстанның янгында һәлак булган 12 гражданының бары тик икесе генә Россия территориясендә законлы төстә булган һәм Мәскәүдә теркәлгән. Типография 4 ел янгын хезмәтләре тарафыннан тикшерелмәгән.

Шулай ук укыгыз: Мәскәүнең бер типографиясендә чыккан янгында 17 хатын-кыз тереләй янып үлгән (ВИДЕО)


---

--- | 02.09.2016
↧
↧

Илназ Гарипов өйләнергә сыер сава белә торган кыз эзли (ФОТО)

September 3, 2016, 5:00 am
$
0
0
02.09.2016 Шоу-бизнес
Инде утызга җитеп килүче, җырчы егет Илназ Гариповка, ниһаять, әбиләр әйтмешли бераз акыл керә башлаган бугай. Чөнки ул быелдан җитди итеп өйләнү, башлы-күзле булу турында сөйләнгәли башлаган. Хәер, Илназның үзенә пар эзләве тавыш-тынсыз гына үтмәгән. Узган сезонда Илназ берара Илсөя Бәдретдинова белән уртак концертлар ясап йөргәнгә, халык арасында: ”Болар арасында нидер бар”,– дигән сүзләр таралып алды.

Аннан, аны җырчы Айсылу Габдинова белән  дә “ярәштереп “алдылар. Тик ... Илназ һаман ялгыз һәм әлегә аның янында даими пар күренми бугай. Хәер,бу турыда җырчының үзенннән сораштык.



- Илназ, сине өйләнергә йөри дип сөйлиләр. Дөресме бу?
-Йөри дип... Вакыттыр инде.Гел шуның турында уйланам.Бигрәк тә  үзем киемнәремне үтүкләгәндә, мәсәлән (көлә). Ә җитди итеп әйткәндә, чыннан да бу яшьтә гаилә корасы килә. Быел утызга чыгам бит инде. Әнине, әбине оныклар белән дә сөендерәсе килә.

- Сезнең турында, бергә эшләгән Илсөя, Айсылу турында төрле сүзләр йөреп алды..
- Дөрес түгел.Эш буенча гына аралаштык. Аралашабыз. Айсылу Габдинова белән быел да бергә эшлибез. Безне берләштерүче - продюсерыбыз Илфак Шиһапов, бары шул гына.



- Булачак хатыныңны ниндирәк дип күз алдына китерәсең?
- Чибәрлеге  дә,зифалыгы да мөһим түгел. Иң төп нәрсә - мине аңлардай кеше булсын иде.

-Сез Казанда яшисез. Белүебезчә,авылга да еш кайтасыз. Сагындырамы туган авыл?
- Арча районындагы Хәсәншәех авылы малае мин. Яратам туган авылымны. Бакчалы, сыерлы, тузанлы басулы авыл якын миңа. Белмим, бәлки берәркайчан авылга кайтып яшәрмен дә: сыер асрап,бакча утыртып...

- Сыерны бит аны әле савырга да кирәк..
- Соң, мин бит сөттән ерак кеше түгел (көлә). Шактый гына “Вамин” системасында да эшләп алдым.

- Булачак хатының сыер сава белергә тиешме?
- Сыер сава белсә, әлбәттә, бик яхшы булыр иде.

- Булачак тормыш иптәшеңне кайда очратырмын дип уйлыйсың?
- Концертлардадыр инде… Быелга, сентябрдан тотынып бик күп концертлар планлаштырылган.Көн саен диярлек. Нигәдер күңелем дә шулай сизенә. Шуңа, быелгы гастрольләргә үземә тормыш иптәше эзләп чыгам диюдән дә курыкмыйм.



- Быелгы программаң ниндиерәк? Син бит искиткеч фокусчы да әле.Фокуслар буламы быелгы тамашада?
- Алары да була. Яңа җырлар да күп, шактые - үзем язган җырлар. Кыскасы - күңелсез булмаячак. Гастрольләрне 19 сентябрьдан  Балтачтан башлыйбыз. Аннан Арча, Саба, Кукмара, Сарман-Мөслим якларына китәм. 15 ноябрьдә Казанда филармония залында узачак. Аңа кадәр Яр Чаллы, Түбән Кама, Әлмәт һәм чит төбәкләрдә  төбәкләрдә концертларым була.

- Әгәр шушы гастролләреңдә үзеңә тиң ярны тапсаң өйләнәсеңме?
- Әлбәттә.Туй үткәрү белән проблема булмастыр дип уйлыйм. Үзебез шуларны оештыру белән дә шөгыльләнәбез бит...(көлә)

- Яхшы.Эшегездә, иҗатыгызда,тормышыгызда уңышлар телибез сезгә.
- Рәхмәт!


---

--- | 02.09.2016
↧

Габделфәт Сафинның кызы кияүгә чыкты (ФОТО)

September 3, 2016, 5:00 am
$
0
0
02.09.2016 Шоу-бизнес
Бүген Рузилә һәм Габделфәт Сафиннарның беренче балалары – Әдилә олы тормыш юлына аяк басты. Кияү Айрат исемле, Казан егете.

Яшьләрнең никахы апрель аенда булган иде.
 


---

--- | 02.09.2016
↧

"Свинка Пеппа" рәсеме төшкән торт хәләлме?

September 6, 2016, 6:01 am
$
0
0
03.09.2016 Дин
Балаларның туган көннәрен хәзер зурлап үткәрү модада. Һәртөрле им-томнар сатып алудан тыш, әти-әниләр үз нарасыйларына аниматор, ягъни акчага күңел ачтыручы, яллый.

Шулай ук мастикалы торт та булырга тиеш бәйрәм өстәлендә. Аның тематикасын "юбиләрдән" алдан ук сорыйлар. Кем "тачки" ярата, кем "Маша и Медведи", ә кем "Фиксики". Гадәттә, геройлар "Карусель" каналыннан әйләндерә торган мультфильмнардан алына. Соңгы ара балалар "Свинка Пеппа" дигән мультикка мөкиббән. Чучка гаиләсе турындагы сериал бу. 

Бүген журналист Булат Сруров шушындый фото белән бүлеште. "Тыелган җәнлек сурәте төшкән тортны хәрәм була микән?" - дип сорау куя ул.

Ә сез ничек уйлыйсыз, "Свинка Пеппа"лы балалар торты хәләлме, әллә хәрәмме? Фикерләрегене комментарийларда языгыз. 


---

--- | 03.09.2016
↧
Search

Айзат Шәймәрданов сөйгәненә тәкъдим ясаган

September 6, 2016, 6:01 am
$
0
0
04.09.2016 Матбугат
Теләсә нинди тәкъдим түгел, ә өйләнешү тәкъдиме. ТНВ каналында хәбәрләр җиткерүче журналист тиздән башлы-күзле булыр, мөгаен. “Кайчан өйләнәсең инде?” дип йөдәтеп бетергән туганнары да тиздән тынычланып калачак.

“Булачак тормыш иптәшемнең исеме Айгөл, - дип сөйләде “Матбугат.ру” хәбәрчесенә Айзат, - кичә аның туган көне иде. Кремль яры буенда урнашкан “Бахча” ресторанына бардык. Романтик мохит иде. Төнге 12 тулганда бриллиант кашлы йөзек бүләк итеп, кулын сорадым. Аның өчен бик көтелмәгән булды. Беренче сүзе “әйе” булды. Бөтен дөнья тукталгандай булды. Ярты ел очраштык. Аны очратканнан бирле бөтен тормышым үзгәрде”. 

Шунысын да белдек – Айгөл Казан кызы икән, микробиолог һәм юрист.   Хәзер Айзат һәм Айгөлдән никах һәм туй турында яңалыклар көтеп калабыз.  
---

--- | 04.09.2016
↧
↧

Айсылу Габдинова: «Уянып китсәм-йоклаган килеш текстны кабатлап ятам икән» (ФОТО)

September 6, 2016, 6:01 am
$
0
0
04.09.2016 Шоу-бизнес
Яңа телевизион сезонда,”Яңа гасыр” телевидениесендә башланган, ”Болгар” радиосының “Кайнар хит” тапшыруы 3 сентябрьдә туры эфирда чыкты. Әлеге тапшыруны туры эфирда алып барган җырчы Айсылу Габдиновага, эфирдан соң ук берничә сорау белән мөрәҗәгать иттек.

- Айсылу,син – җырчы. Ничек бу тапшыруга килеп эләктең?
- Әлбәттә,төп профессиям буенча мин җырчы. Ләкин телевидение дә миңа ят түгел. Кайчандыр ”Яшләр тукталышы”ның берничә тапшыруын алып барган идем,бу елны “Поем и учим татарский язык” тапшыруларын алып бардым. Монда яңа тапшыруга кастинг бара дигәч, болай гына кергән идем – мине сайлап алдылар.



- Куркыттымы туры эфир?
- Быелдан башлап, үз концертларым  белән йөри башлаганга каушамаска  бераз өйрәнгән идем инде.(көлә). Тик миллиолы аудиторияле каналда туры эфирда тапшыру алып бару - бик җитди нәрсә шул ул. Каушатты да. Яңа тапшыру булгач, әзерлек эшләре дә бер көн кала гына бетте,”Кайнар хит” та катнашучылар исемлеге дә шулай көне җиткәч кенә билгеле булды дияргә була.

- Ничек әзерләндегез?
- Өйрәндем инде.Тапшыру чыгасы көн алдыннан ятып йоклаган идем-төнлә нидәндер уянып киттем. Баксаң,йоклаган килеш тексты кабатдлап ятам икән... Рәхәтләнеп үз-үземнән бик көлдем, ятып йокладым.



- Телевидениедә ничек каршы алдылар?
- Анда бик ярдәмчел коллектив. ”Яңа гасыр” каналының баш режиссеры Алмаз Акбәров та, “Болгар” радиосының баш мөхәррире Илфар Кәримов, продюсерым  да башкалар да чын күңелдән ярдәм иттеләр.

- Тапшырудан соң кайтавазлар булдымы әле?
- Оооо.. Күп. Укытучым Венера Ганиевадан “Син чын профессионал кебек ташыруны алып барасың” дигән хәбәр килде. Мине җылы кабул иткән тамашачыларга бик зур рәхмәт.

- Ә җырчылар?
- Күптән аралашмаган җырчылар да яза башлады.

- Быелгы гастрольләреңә ташыруны алып бару комачауламасмы?
- Өлгерергә тырышырга инде. Әле бит уку да бар, музыка мәктәбендә укыту да. Студиядә эшләү дә. Тик миңа мондый темпта яшәү күңелле була башлады.



- Тапшыру атна саен буламы?
- Әйе. Атна саен, шимбә көнне, иртәнге сәгать уннан-унбергә кадәр. Кабатлап та чыгачак.

- Уңышлар сиңа ,Айсылу!
- Рәхмәт!
 


---

--- | 03.09.2016
↧

Алсу Әбелханова ни сәбәпле бик дулкынлана?

September 6, 2016, 6:01 am
$
0
0
04.09.2016 Шоу-бизнес
Татарстанның атказанган артисты Алсу Әбелханова “Алтын мөнбәр” ХII халыкара мөселман киносы фестиваленең ачылу һәм ябылу тантаналарын алып барачак. - 5 сентябрьгә кадәр бик аз вакыт калды. Шундый зур чараны алып бару җаваплы эш, шуңа күрә бик дулкынланам, борчылам. Кызыл келәмнән узучы кунакларны татар кызы образында ике телдә сөйләшеп каршы алырга кирәк булачак.

Минем белән бергә ачылыш тантанасын Россиянең танылган актеры Борис Львович та алып барачак, - диде безгә җырчы.

Шунысын да язып үтик, Алсу әле күптән түгел генә гаиләсе белән Болгариядә ял итеп кайткан. Аңа кадәр тормыш иптәше белән икәү генә Испаниянең Барселона шәһәренә сәяхәт кылганнар.


---

--- | 03.09.2016
↧

Казан юлында машина йөртүче пошины бәрдергән

September 6, 2016, 6:01 am
$
0
0
04.09.2016 Хәвеф-хәтәр
Казанга кергәндә «Лада Гранта» җиңел автомобиле белән идарә итүче пошины бәрдергән. Бу хакта «ВКонтакте» социаль челтәре төркемнәренең берсендә хәбәр ителә. Россия Табигый ресурслар һәм экология министрлыгының 2011 елның 8 декабрендә үз көченә кергән "Ау ресурсларына китерелгән зыян күләмен исәпләү методикасын раслау турында"гы боерыгы буенча поши үлеме 40 мең сум күләмендә бәяләнә.

Җиңел автомобиль белән идарә итүченең гамәлендә начар ният булмауны исәпкә алып, штраф шул күләмдә тәшкил итәчәк.


---

--- | 04.09.2016
↧

Хаҗ кылучыларны үзгәрешләр көтә

September 6, 2016, 6:01 am
$
0
0
05.09.2016 Дин
Хаҗ вакытында Согуд Гарәбстанының гражданлык оборонасы комитетының 17 мең хезмәткәре тәртип саклыячак. Мина үзәнендә 2 мең тәртип сакчысы эшли. Исегезгә төшереп узабыз узган ел биредә килеп чыккан фаҗига аркасында 2400 мең мөселманның гомере өзелде. Хаҗда быел шайтанга таш ату йоласына үзгәрешләр кертелә.
Согуд Гарәбстаны хакимиятләре шайтанга таш ату йоласын ныклы күзәтү астына ала.   Җәмәрат баганалары янындагы йоланы үтәү вакыты 12 сәгатькә киметелә.
---

--- | 04.09.2016
↧
↧

«Татарстан — безнең йортыбыз» фестивале катнашучыларны туплый

September 6, 2016, 6:01 am
$
0
0
05.09.2016 Мәдәният
Сентябрь аенда «Татарстан — безнең йортыбыз» республикакүләм этномәдәни фестиваленә гаризалар кабул ителә башлый. Чараның оештыручылары булып ТР Мәдәният министрлыгы, Татарстан халыклары Ассамблеясы һәм Дуслык Йорты тора. Фестиваль шушы номинацияләр буенча оештырыла: «вокал», «хореография», «нәфис сүз», «уен-кораллары музыкасы», «фольклор-йолалар куелышы», «иң әйбәт казак коллективы».
Фестивальнең муниципаль һәм зона этапларында катнашучыларны сайлап алганнан соң, җиңүчеләр Гала-концертта чыгыш ясаячак. Әлеге зур масштабтагы концерт Казанда 4 ноябрь көнне Халыклар бердәмлеге көненә туры китереп оештырылачак.   Фестивальнең зона турлары Буа, Арча, Нурлат, Яр Чаллы, Казан, Лениногорск һәм Сарманда узачак.   «Татарстан — безнең йортыбыз» фестивале Татарстан Республикасы территориясендә яшәүче халыкларның бердәмлеген һәм рухи яктан үзара баюын ныгыту, Татарстанның күпмилләтле мәдәниятын популярлаштыру, үстерү һәм саклау максатында оештырыла.
---

--- | 02.09.2016
↧

Приморье краенда табигый катастрофа

September 6, 2016, 6:01 am
$
0
0
05.09.2016 Хәвеф-хәтәр
Ерак Көнчыгыштагы Лайонрок тайфуны аркасында Приморье краенда 3678 йортны, 221 км автомобиль юлларын су баскан. Бу хакта Гадәттән тыш хәлләр һәм гражданнар оборонасы министрлыгының Ерак Көнчыгыш буенча төбәк үзәге матбугат хезмәте хәбәр итә. 17 торак пункт белән транспорт элемтәсе өзелгән. 12 мең кеше утсыз калган. Тайфуннан килгән зыян 1,2 млрд сум тәшкил итә.
Су баскан йортта яшәүчеләр 13 урындагы вакытлыча яшәп тору пунктларына урнаштырылган. Аларга 62 тонна гуманитар ярдәм китерелгән. Торак-коммуналь хезмәт, янгын сүндерүчеләр йортлардан суны насос белән кудыра. Каза нәтиҗәләрен юкка чыгару максатында 18985 кеше эшли.   “Лайонрок” тайфуны Приморье краеның көньяк районнарына 29 августта килеп җитте. Берничә көн эчендә Хасан, Кавалеровский, Терней районнарында өч айлык нормадагы яңгырлар яуды.   Каза күрүчеләргә ярдәм иткән вакытта Гадәттән тыш хәлләр һәм гражданнар оборонасы министрлыгының Приморье крае буенча идарәсе җитәкчесе Олег Федюра һәлак булды. Ул утырган автомобиль суга бата.   Приморье краенда гадәттән тыш хәл режимы игълан ителгән. 4-6 сентябрьдә бу төбәктә тагын көчле яңгырлар көтелә.   Шулай ук укыгыз: В Приморье прорвало дамбу: идет срочная эвакуация (ВИДЕО)
---

--- | 05.09.2016
↧
Search

Камал театрында Хәлил белән Галиябанулар саны артты

September 6, 2016, 6:01 am
$
0
0
05.09.2016 Мәдәният
Камал театры артистлары быел җәй айларында шактый туйларга йөрде. Башта Алмаз Гәрәев белән яшь артист Алинә Мөдәррисова өйләнеште. Аннары Ирек Кашапов үзенең якташы Алсу Хуҗина белән гаилә корып җибәрде. «Галиябану» спектаклендә Хәлил белән Галиябануны уйнаган Фәннүр Мөхәммәтҗанов һәм Гүзәл Гөлвердиева да быел үз ярларын тапты.
Фәннүр, ярты ел дуслашып йөргәннән соң, Әлмәт кызы Илүзәгә тәкъдим ясады.   Кыз мәдәният һәм сәнгать институтының режиссура факультетын тәмамлаган. Гүзәл Башкортстаннан Олег Кинҗәгулов дигән егеткә кияүгә чыкты. Ул да булачак режиссер.
---

--- | 04.09.2016
↧

Берәү кечкенә улы каршында бала тудырып, сабыйны бакчада ташлап калдырган

September 6, 2016, 6:01 am
$
0
0
05.09.2016 Криминал
Бу хәл Наро-Фоминскида була. Алма бакчасында юка футболкага төрелгән бала 11 сәгать яткан. Хокук сакчылары күке ананы тиз ачыклый. Ул 35 яшьлек күпбалалы хатын булып чыга. Олы улы әтисе белән яши. Икенче сыйныфта укучы улын үзе тәрбияли.
Нәкъ шушы малай анасының урамда бала табып, аны ташлап калдыруына шаһит булган.   “Хастаханәгә шалтыратырга теләдем, әмма телефонның зарядкасы беткән иде”, – дип аклана хатын. Аның йөкле булуын туганнары белмәгән, табибларга да йөрмәгән. Янәсе “паспортын урлаганнар”.   Баланы ташлап калдыру сәбәбен хатын аңлата алмый. Тикшерү бара.   Тулырак: Женщина родила дочь на глазах у сына-второклассника и выбросила в саду  
---

--- | 05.09.2016
↧
↧

Татарстанда пенсионерларны асрамага бирәләр - кем ала?

September 6, 2016, 6:01 am
$
0
0
05.09.2016 Җәмгыять
Киләсе 2017 елдан Татарстанның Хезмәт, мәшгульлек һәм социаль яклау министрлыгы яңа проект башлый. Ул – «Өлкән кешене тәрбияләүче гаилә» дип атала. Шулай итеп, киләсе елда үзләрен-үзләре карарга сәләтсез өлкән яшьтәге кешеләрне 30 гаиләгә тәрбиягә урнаштырырга телиләр. Әлбәттә, андый гаиләләрне катгый рәвештә сайлаячаклар. Монда гаиләнең матди хәленә, өйдәге үзара мөнәсәбәтләргә дә игътибар биреләчәк.
Хезмәт, мәшгульлек һәм социаль яклау министры Эльмира Зарипова гаилә әгъзаларының сәламәтлеге, законнарны тыңлаучанлыгы да тикшереләчәген әйтә. Ягъни беркем дә бу картларны үзләренең кесәсен калынайту өчен файдалана алмаячак.   Өлкән яшьтәге кешене караган өчен түләнүче акчаның күләме аның инвалидлык төркеменә һәм кеременә бәйле булачак. Минималь сумма - 4 мең сум күләмендә билгеләнгән, шуңа тагын пенсионер кеременең 75 проценты өстәләчәк.
---

--- | 03.09.2016
↧

Тинчуринлылар 28 яшендә якты дөньядан киткән хезмәттәшләре каберенә зиярат кылды (ФОТО)

September 6, 2016, 6:01 am
$
0
0
05.09.2016 Мәдәният
31 августта К.Тинчурин исемендәге Татар дәүләт драма һәм комедия театрының 2010 елның августында каты авырудан соң якты дөнья белән хушлашкан яшь актрисасы Айгөл Әхмәтованың туган көне булып үтте. Шул уңайдан тинчуринлылар Яшел Үзән районының Олы Шырдан авылында аның каберен зиярат итте, рухына дога кылды, каберенә чәчәкләр салды. Театр коллективын Айгөлнең әти-әнисе – Җәүдәт абый белән Мәхрүзә апа каршы алды. Тинчуринлылар аларның Олы Шырдандагы нигезләренә барып та, Айгөл турында хәтер яңартты.
“Айгөлнең үлгәненә бүген дә ышанмыйбыз әле. Ул торган фатирга барып, гөлләренә сулар сибеп кайтам – кызыбыз һаман да исән кебек тоела”, – дип сөйләде бала кайгысы кичергән Мәхрүзә ханым. Ул Айгөлнең максатчанлыгын, тырышлыгын, үҗәтлеген, яңалыкка, белемгә омтылышын мактап искә алды. “Кызыбыз эшен дә, укуын да бер үк вакытта алып барды. Университетта сессия вакытларында яңа спектакльләр өстендә эшләргә дә өлгерә иде ул”, – дип билгеләп үтте  Мәхрүзә ханым бу уңайдан.   Татарстанның халык артисты Әнәс Галиуллин: “Сөйкемлелеге, рольләрне югары дәрәҗәдә башкаруы белән күпләрне шаккатырган Айгөлнең бакыйлыкка күчүе безнең өчен көтелмәгән хәл булды. Беребез дә бу баланың гомере шулай яшьли өзелер дип уйламадык. Ходай Тәгалә кылган догаларыбызны Айгөлнең рух шәрифләренә ирештерсә иде”, – дип теләде. Хезмәттәшләре арасында Айгөлнең яман шеш белән авыруын күпләр белми дә калган, чөнки аның беркайчан да сәламәтлегеннән зарланганы булмаган.   “Айгөл арабызга нур булып килеп керде. Сәләте, матурлыгы, илаһи чибәрлеге белән театрыбызны яктылыкка күмде. Әмма, атылган йолдыздай якты эз калдырып, безне сары сагышка күмеп, бик яшьли китеп тә барды. Бакыйлыкка күчсә дә, Айгөлнең рухы йөрәкләребездә мәңге сакланыр”, – диде Татарстанның халык артисты Ләлә Миңнуллина.   Әгәр исән булса, Айгөлгә 34 яшь тулган булыр иде…   Айгөл Әхмәтова 1982 елның 31 августында Яшел Үзән шәһәрендә туа. Кәрим Тинчурин театрына ул 2001 елда килә. Шушы дәвердә 30 дан артык матурдан-матур төп рольләрне башкара. Г.Зәйнашеваның “Гайфи бабай, өйлән давай!”да – Маһинур, Н.Исәнбәтнең “Хуҗа Насретдин”да – Сәлви, Т.Миңнуллинның “Ай булмаса – йолдыз бар!”да – Хәмидә, Н.Хикмәтнең “Мәхәббәт турында риваять”тә – Ширин, И.Юзеевның “Сандугачлар килгән безгә”дә – Роза, Ю.Әминовның “Өти балак Гөлүзә”дә – Гөлүзә, Н.Гыйматдинованың “Бер тамчы ярату”да – Рита һәм башкалар.                    
---

--- | 05.09.2016
↧

Камал театрында татар телендәге иң яхшы пьеса сәхнәләштерелә

September 6, 2016, 6:01 am
$
0
0
05.09.2016 Мәдәният
8 һәм 9 октябрьдә Г.Камал исемендәге Татар дәүләт Академия театрында 111нче сезонның беренче премьерасы – татар драматургиясе классигы Кәрим Тинчуринның “Җилкәнсезләр” спектакле. Яңа алтынчы куелышның режиссеры - Георгий Зурабович Цхвирава (Омск академия драма театрының баш режиссеры).
Татар драматургиясе классигы, татар театрына нигез салучы Кәрим Тинчуринның әлеге пьесасы татар телендәге иң күренекле драматик әсәрләрнең берсе. Татар классикасы җәүһәре булган, 1926 елда иҗат ителгән бу сатирик комедия бүгенге көнгә аваздаш трагик гәүдәләнеш ала. Әсәрдә сүз татар милләтенең инкыйлаб алды һәм инкыйлабтан соң сайлаган юлы хакында бара. Гасырлар буена төшенкелектә яшәгән халык иркенлек тою белән таркала, бердәмлеген югалта...   «Кәрим Тинчуринның “Җилкәнсезләр” әсәре, миңа калса, татар телендәге иң яхшы пьеса.  Төзелеше һәм поэтикасы ягыннан гаять тә катлаулы булган бу әсәр 20нче елларның «Бег» (“Качу”), «Самоубийца» (“Үзен-үзе үтерүче”), «Баня» (“Мунча”) кебек әсәрләрдән дә өстенрәк. Монда бик көчле политик сатира. Бу сатираның кемгә юнәлгәнлеген ансат кына аңлавы да кыен. Автор байлардан да, ярлылардан да – барысыннан ачы итеп көлә, тик нигездә аның сатира корбаннары – акылсыз, оятсыз, тәрбиясез бәндәләр, хакимлеккә дәгъвә кылучылар... Җыеп әйткәндә, бу – бөек әсәр. 1958 елда “Җилкәнсезләр” спектакленең, әдәби әсәрләрдән беренче булып, Г.Тукай премиясенә лаек булуы да юкка гына түгел”, - ди Г.Камал театрының әдәби бүлек мөдире Нияз Игъламов.   “Җилкәнсезләр” спектакленең премьерасы 2016 елның 8 һәм 9 октябрендә Г.Камал исемендәге Татар дәүләт Академия театрының Зур сәхнәсендә. Билет алырга: kamalteatr.ru, 293-03-74.
---

--- | 05.09.2016
↧
Viewing all 24670 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>