Quantcast
Channel: Matbugat.ru RSS
Viewing all 24670 articles
Browse latest View live
↧

"Силсәвит"башлыгы бушлай фатир алырга булышкан, әмма...

October 15, 2019, 4:54 am
$
0
0
15.10.2019 Криминал
Башкортстанның Гафури районының Красноусол авылы хакимиятенең элекке башлыгы моның өчен миллионлаган сум штраф түләргә тиеш. 2012 елда аңа торак бирүне сорап бер хатын мөрәҗәгать иткән.
Авыл Советы башлыгы, хатын-кызның торак шартларын яхшыртуга мохтаҗ булмавын һәм чиратта торучылар исемлегендә тормавын белә торып, аның белән Красноусол авылында 68 квадрат метр мәйданлы фатирга социаль найм шартнамәсенә кул куйган.   Түрә үз гамәлләре белән муниципалитетка 1,3 миллион сумга якын зыян китергән. Суд экс-башлыкны 150 мең сум күләмендә штрафка тарттырган һәм аннан китерелгән зыянны түләттергән, дип яза Кызыл таң.  
---

--- | 15.10.2019
↧
Search

Милли Музейда Нәби Дәүлине искә алачаклар

October 15, 2019, 4:54 am
$
0
0
15.10.2019 Мәдәният
17 октябрьдә Татарстан Республикасының Милли музеенда Танылган татар язучысы, Бөек Ватан сугышы һәм Бухенвальд-Дора лагерьләрендәге фашизмга Каршылык хәрәкәте каһарманы Нәби Дәүлигә багышланган иҗади очрашу, түгәрәк өстәл узачак.
Түгәрәк өстәл утырышында Татарстанның иҗат һәм фән дөньясы, җәмәгать эшлекләре белән берлектә “Кавказ, Татар, Төркистан мәдәниятен өйрәнү Институты” рәисе Др. Штеффен Mиcте Хотопп-Рике җитәкчелегендәге Алманиядән килүче галим, мөгаллим, мәдәният вәкилләре катнашачак. Делегациянең сәфәре гыйльми һәм иҗтимагый өлкәләрдәге хезмәттәшлек хакындагы килешү нигезендә бара, аларның эшчәнлеге татар һәм башка төрки халыкларның тарихын, мәдәниятен өйрәнүгә, Алмания җирлегендә һаләк булган антифашист каһарманнарының истәлеген мәңгеләштерүгә, нацизимга каршы хәрәкәттә катнашкан татарларның мирасын өйрәнүгә юнәлгән.   Нәби Дәүли язмышы күп кенә ватандашларыбызның катлаулы язмышларын чагылдыра. Сугыш елларында ул иң дәһшәтле Бухенвальд-Дора лагерьләрендә әсирлектә була, таш вату эшләрендә һәм таш чыгыру шахталары-штольняләрдә авыр хезмәт башкара. Әмма, әсирлек газаплары рухын сындырмый Нәби Дәүлинең, ул фашизмга Каршылык хәрәкәте төркеменә кушыла. 1945 елның апрелендә Н.Дәүли лагерьдән кача һәм Кызыл Армия сафларында яңадан сугышуын дәвам итә. Ләкин, Туган иленә әйләнеп кайткан җиңүчене репрессияләр, эзәрлекләүләр көтә. Әсирлектәге кешеләр язмышы хакында ул, 1957 елда нәшер ителеп киң танылу тапкан “Яшәү белән үлем арасында” исемле китабында бәян итә.   1977 елда Нәби Дәүлигә «Дәһшәтле Бухенвальд-Дора лагерендәге фашизмга Каршылык хәрәкәте вәкиле»нә буларак Дәүләт буләге тапшыру хакында Карар имзалана, әмма СВСК («Сугыш Ветераннары Совет Комитеты») медале язучының гаиләсенә, аның вафатыннан соң, ярты ел узгач кына, 1990 елда тапшырыла. 2012 елда Нәби Дәүли исеме башкалабыз-Казан урамнарының берсенә бирелә.   Түгәрәк өстәл кысаларында “Нәби Дәүли: Яшәү белән үлем арасында” күргәзмәсенең ачылышы үтәчәк. Күргәзмә “ТАССР ның 100 еллыгына 100 исем” дип исемләнгән Милли музейның киң колачлы проектының аерым бер сәхифәсе булып тора.   Күргәзмәдә беренче тапкыр Татарстан Республикасы Милли музей, Г.Ибрагимов исемендәге Тел, әдәбият һәм сәнгать Институты, “Казан” мәдәният үзәге, курчак театры “Әкият” фондларыннан дәүләтебез тарихын өйрәнү өчен кыйммәтле чыганаклар булып торучы документлар, китаплар, художестволы картиналар, мемориаль әйберләр коллекциясе һәм ФКХ архивы документлары копияләре тәкъдим ителә.   ТР Милли музее матбугат үзәге: +7(843) 292-32-18
---

--- | 15.10.2019
↧
↧

Казанда Тәслимә Фәйзуллинаны искә алу кичәсе узды (ФОТО)

October 15, 2019, 4:54 am
$
0
0
15.10.2019 Мәдәният
14 нче октябрь Татар дәүләт драма һәм комедия театрында Татарстанның халык артисткасы Фәйзуллина Тәслимә Хәләф кызын искә алу кичәсе узды. Кичәне Татарстанның атказанган мәдәният хезмәткәре, музей мөдире Розалия ханым Чабатова оештырды.
Чарада Тәслимә ханымның күп еллар бергә эшләгән Тинчурин театры коллективы; иҗатташ дусты, Татарстанның халык язучысы Нәбирә ханым Гыйматдинова һәм шәкертләре катнашты.   Талантлы актриса һәм олы җанлы шәхес турында әйтелгән һәр җылы сүз, кылган догаларыбыз Тәслимә ханымның рухына дога булып барып ирешсен!          

 


---

--- | 15.10.2019
↧

Калеб "XXI гасыр тавышы" дигән әдәби-музыкаль кичә уздырды

October 15, 2019, 10:07 am
$
0
0
15.10.2019 Мәдәният
Гасыр тавышы нинди тизлектә хәрәкәт итә? Ул ничә елдан соң аермачык ишетелә башлый? Без Көмеш гасыр аһәңен таныйбыз, 60нчы еллар тавышы турында да күзаллавыбыз бар, 90нчы еллар тавышын да инде чамалый алабыз кебек. Ә бүгенге чордан ни калыр? Әлегә берәү дә төгәл әйтә алмастыр. Ләкин фаразлап карарга мөмкин.
Аудиокитапның язылып бетүен һәм альбомның да әзер булуын форсат итеп, Калеб "XXI гасыр тавышы" әдәби-музыкаль кичә уздырды.   Җыентык XXI гасырда әдәби мәйданга килгән язучыларның әсәрләреннән тора. Әсәрләрне шагыйрьләр үзләре һәм актерлар укый. Редакторлар: Йолдыз Миңнуллина һәм Лилия Гыйбадуллина.   Җыентыкка Луиза Янсуар, Гөлназ Газизова, Зөләйха Камалова, Миләүшә Нигъмәтуллина, Резеда Гобәева, Рүзәл Мөхәммәтшин, Ландыш Әбүдарова, Фәнил Гыйләҗев, Гөлүсә Батталова, Зилә Сабитова, Гөлназ Вәлиева, Рифат Сәлах, Гөлүсә Шиһапова, Эльвира Һадиева, Гүзәл Закирова, Эльмира Җәлилова, Ленар Шәех, Эльнар Байназаров, Айгөл Абдрахманова, Алсу Сәлахова, Ләйлә Хәбибуллина, Илгиз Зәйниев, Йолдыз Миңнуллина, Миләүшә Гафурова, Рөстәм Галиуллин, Алмаз Мансуров, Гүзәл Әхмәтгәрәй, Булат Ибраһим, Лилия Гыйбадуллина, Сөмбел Гаффарова әсәрләре кертелде.   Кичәне инструменталь ансамбль көенә укылган мәхәббәт, милләт, тел, фәлсәфи шигырьләр белән беррәттән “Безнең җыр” лабораториясендәге Эльмира Җәлилова, Гөлүсә Батталова, Лилия Гыйбадуллина сүзләренә язылган җырлар тәкъдим ителде.   Кичәнең махсус кунаклары: җырчылар —Илгиз Мөхетдинов, Эльза Исламова, Илнар Миранов, композиторлар — Эльмир Низамов һәм Миләүшә Хәйруллина, скрипкачы Динә Закирова. Кичә һәм аудиокитапның режиссеры Нәфисә Исмәгыйлова.   “Бу безнең алты ел буе ниятләгән һәм күңелебездә йөрткән идеябезнең тормышка ашырылуы. Насыйп вакыты нәкъ менә 2019 елда булган икән. Без бик шатбыз, бик зур эш башкарып чыга алдык. Алга!” – дип кичәне тәмамлады “Калеб” яңа буын җыены авторы, Кариев театры директоры Гүзәл Сәгыйтова.   Мәгълүмат өчен:   Идея авторлары: Гүзәл Сәгыйтова, Луиза Янсуар   Режиссер: Нәфисә Исмәгыйлева   Композитор: Миләүшә Хәйруллина   Редакторлар: Йолдыз Миңнуллина, Лилия Гыйбадуллина   Дикторлар: Эмиль Талипов, Гүзәл Сәгыйтова   Тышлык рәссамы: Руслан Ибраһимов   Тавыш операторы: Николай Болотнов.   Диск һәм флешкалы-дисклы форматларда сатыла. Кариев сайты һәм Калеб кичәләре алдыннан сатып алырга мөмкин.
---

--- | 15.10.2019
↧

Ваһапов фестивале “Яңа татар җыры” конкурсы игълан итә

October 15, 2019, 10:07 am
$
0
0
15.10.2019 Мәдәният
Бүгеннән, ягъни 15 октябрдән Рәшит Ваһапов исемендәге Халыкара татар җыры фестивале яңа проектка старт бирә. Ул – “Яңа татар җыры” конкурсы.
Татарстан Президенты Рөстәм Миңнеханов ярдәмендә үткәрелүче конкурсның максаты – бүгенге татар җыр сәнгатен яңа сыйфатлы әсәрләр белән баету. Яңалыкка омтылу белән берәттән, конкурс татар җырының милли традицияләрен, милли нигезен, халыкчан моңын саклап калуны бурыч итеп куя. Конкурсантларның яше чикләнмәгән. “Балалар җыры” дигән махсус номинация дә бар.   Яңа җырлар 15 нче октябрдән киләсе елның 15 нче июленә, ягъни 9 ай буе кабул ителә. Җиңүчеләрне игълан итү һәм гала-концерт 2020 елның 15 нче ноябрендә үткәрелер, дип көтелә.   Сүз уңаеннан: беренче урынга лаек булган җырга премиянең күләме – 200 мең сум.   Конкурс шартлары белән тулырак Ваһапов фестиваленең ВКонтакте челтәрендәге рәсми төркемендә танышырга мөмкин: vk.com/vagapovfest.  
---

--- | 15.10.2019
↧
↧

Татарстанга юеш карлы яңгырлар килә

October 15, 2019, 10:07 am
$
0
0
15.10.2019 Җәмгыять
Татарстан синоптиклары фаразына караганда, республикага юеш карлы яңгырлар килә. Бүген төнлә әле чагыштырмача җылы, аз-маз гына яңгырлы булса, иртәгә көндез аязачак, әмма инде һава температурасы +4+9 градустан артмаячак.
Ә пәнҗешәмбе һәм җомгада (17-18 октябрь) суык яңгырлар көтелә. Пәнҗешәмбе иртәcендә урыны белән юеш кар да явачак.   Көндез секундына 15-18 метр тизлектә көчле җил дуларга мөмкин. Төнге сәгатьләрдә термометрның терекөмеш баганасы 0 градуска төшәчәк, көндезге температура +4+10 аралыгында тирбәләчәк.   Шимбә көнне салкын, әмма явым-төшемсез булачак, дип хәбәр итә Татарстан Гидрометеорология үзәге.
---

--- | 15.10.2019
↧

Чаллыда тукталышта ир-ат хатын-кыз чигәсенә пистолет терәгән

October 15, 2019, 10:07 am
$
0
0
15.10.2019 Криминал
Чаллыда автобус тукталышында хатын-кызга пистолет белән янаган ирне тоткарлаганнар. Бу хакта Чаллы шәһәре буенча Эчке эшләр идарәсендә хәбәр иттеләр.
Социаль челтәрләрдә ир-атның «Тимирязев юлы» тукталышында хатын-кыз чигәсенә пистолет терәгәне хакында хәбәр пәйда булды. Социаль челтәргә хокук бозучының фотосурәте дә эләккән. Шаһитлар полиция чакырткан.   «Татар-информ» мәгълүмат агентлыгына Чаллы шәһәре буенча Эчке эшләр идарәсендә хәбәр итүләренчә, чакырганнан соң вакыйга урынына наряд чыккан.   Россия гвардия хезмәткәрләре ирне пистолеты белән тоткарлый. Аның коралын тартып алганнар, ул уенчык булып чыккан. Бу хәлне полиция тикшерә.     
---

--- | 15.10.2019
↧

Уяндым: Булат Җиһаншин татарча "терминатор"төшергән (ВИДЕО)

October 15, 2019, 10:07 am
$
0
0
15.10.2019 Шоу-бизнес
Булат Җиһаншин яңа җырына клип төшерән. Аны татарча "терминатор" дип атарга да була. Булат Җиһаншин көе, Нур Амстердам сүзләренә язылган әлеге клип, кызыклы сюжет, чыннан да, татар эстрадасына яңа сулыш өрә.

"Яңа заманча караш - ул татар эстрадасын саектырмый!.. Киресенчә, аңа яңа тармак, яңа сыйфат өсти!.. Коры сюжетлы клиплар, шул ук иске юнәлештә кабатланган җырлар хәзер татар яшьләрендә татар эстрадасына кызыксыну инде уятмый! "Уяндым" җыры нәкъ шул яшьләрне "уяту", кызыксындыру өчен язылган! Ә клипка килгәндә, шаблоннардан чыккан сюжет бу җырга өстәмә этәргеч, кызыксыну уята! Шундый җырларга, клипларга эстрадыбыз бик мохтаҗ!" дип уртаклаша "Матбугат.ру" белән Нур Амстердам.

Сценарий: Ранил Гыйльметдинов һәм Булат Җиһаншин 

Рольләрдә: Булат Җиһаншин, Энҗе Сәйфетдинова, Ранил Гыйльметдинов, Салават Фәтхетдинов һәм РОБОТ   Продюсер: Азат Куляев  Режиссёр: Ранил Гыйльметдинов  3D графика: Айнур Дәүләтов 
---

--- | 15.10.2019
↧
Search

Айгөл Сагынбаеваның көтеп алынган өченче баласы туган (ФОТО)

October 16, 2019, 4:25 am
$
0
0
16.10.2019 Шоу-бизнес
Казан дәүләт мәдәният институтын тәмамлап, бүген Уфада яшәп иҗат итүче Татарстанның атказанган артисткасы Айгөл Сагынбаева сөенече белән уртаклаша. Җырчы өченче тапкыр әни булган.
"Матбугат.у"га билгеле булганча, Айгөл Әмилә һәм Гайшә исемле кызларына иптәшкә малай алып кайткан.   "Төпле аягың белән, улым. Көтеп алынган улым туды! Аллам, мең рәхмәт сиңа, мең шөкер!" - дип уртаклаша ул.     Исегезгә төшерәбез, әле cентябрь аенда гына Айгөл Сагынбаевага тагын бер мактаулы исем бирелде. Ул хәзер "Башкортстанның атказанган артисты" исемен дә йөртә. Бу хакта Рәшит Ваһапов исемендәге фестиваль җитәкчесе, продюсер Рифат Фәттахов хәбәр иткән иде.   Шулай ук сезнең хозурыгызга 28 мартта Филармониядә узган Айгөл Сагынбаева концертыннан фоторепортажны тәкъдим итәбез. Аны шушы сылтама аша узып карый аласыз. Әлеге концертны Казанда Ваһапов фонды һәм Башкорт филармониясе оештырган иде. Сүз уңаеннан, Айгөл - Ваһапов фестиваленең 2007 елда тәүге тапкыр уздыралган яшь башкаручылар конкурсы лауреаты да.    
---

--- | 16.10.2019
↧
↧

Казанда 4 яшьлек сабый үлеменнән соң җинаять эше кузгатылды

October 16, 2019, 4:25 am
$
0
0
16.10.2019 Фаҗига
Казанда "Мерседес" йөртүчесе 4 яшьлек сабый бәрдергәннән соң җинаять эше кузгатылган. Бу хакта "Татар-информ"га Эчке Эшләр министрлыгы матбугат хезмәте хәбәр итте.
"Җинаять эше "Кеше үлеменә китергән юл хәрәкәте кагыйдәләрен бозу" маддәсе буенча ТР буенча Эчке эшләр министрлыгының Баш Тикшерү идарәсе тарафыннан кузгатылган.   Якын арада суд "Мерседс"ның 22 яшьлек йөртүчесе өчен чик кую чарасын сайлаячак.   "Татар-информ" мәгълүмат агентлыгы хәбәр иткәнчә, 8 октябрьдә Гарилов урамында "зебра" аша чыкканда әбине, бабайны һәм оныгын "Мерседес" бәрдергән. Дүрт яшьлек малай авария урынында үлгән, әби һәм бабайны 7нче шәһәр хастаханәсенең реанимациясенә салганнар. Фото: пиксабай
---

--- | 16.10.2019
↧

Анастасия Заворотнюк турында яңа хәбәр бар

October 16, 2019, 4:25 am
$
0
0
16.10.2019 Шоу-бизнес
Инстаграмда Анастасия Заворотнюк сәхифәсендә аның авыруы турында яңа хәбәр чыкты.
"Битараф булмаган һәркем өчен мәгълүмат: Анастасия, чыннан да, дәвалану курсы уза. Ләкин ул беркайчан да комада булмады, үпкәләрен ясалма җилләтә торган аппаратка тоташтырылмады, "сопор" халәтенә китмәде, хәтерен югалтмады, аңы үзгәрмәде, паралич һәм мускуллар атрофиясе кичермәде", диелә аккаунтта.   Әлеге пост авторлары актриса турында матбугатта таралган гайбәтләрне уйдырма дип атый, Анастасиянең авыруы турындагы мәгълүматны бөтен халыкка чыгармауны үтенә, дип яза Кызыл таң.   "Анастасия өчен дога кылуыгызны гына үтенәбез", диелә бу хәбәрдә.   Анастасия Заворотнюк яман шеш белән авырый, дигән хәбәрләр августта чыкты. Сентябрьдә аны, комада ята, дип яздылар. Фото: социаль челтәрләрдән
---

--- | 16.10.2019
↧

“Пирамида”да узачак грандиоз концертның махсус кунагы кем булачагы билгеле

October 16, 2019, 4:25 am
$
0
0
16.10.2019 Шоу-бизнес
27 октябрь “Пирамида”да «Татар радиосы”ның грандиоз концерты узачак. Бу музыкаль кичә радиостанциянең 18нче туган көне бәйрәменә багышланачак. 18 ел – сезнең белән – меңләгән эфир минутлары, шәп музыка, креатив тапшырулар һәм һәрвакыт яхшы кәеф!
Концерт вакытында “Татар радиосы”ның иң “татлы” музыкаль “каймаклары”, хит-парадлар лидерлары гына яңгыраячак. Өр-яңа сыйфатлы композицияләрдән алып халыкка иң якын моңнарга, танылган җырларга кадәр – болар барысы да “Пирамида” сәхнәсендә көтә.     Тамашаның концептуаль үзенчәлеге – “Туры эфир” форматы. Һәр кунак чын радиоэфир атмосферасына кушылачак. Диджей кебек үк, тамашачы радио “кухня”сының нечкәлекләрен тоеп, эфирга чыгачак. Алып баручыларның позитив кәефе һәм үткен юмор хисе кич буе бәйрәм тәмен биреп торачак. Әлбәттә инде иң мөһиме – дүрт сәгать дәвамында тере тавыш һәм иң кайнар хитлар.     Максималь позитив эмоцияләр һәм онытылмаслык хисләр – без гарантиялибез!   Сер булып кына калсын: махсус кунак – Elvin Grey!   Билетлар артыннан http://www.tatarradio.ru/news/-elvin-greymahsus/  
---

--- | 16.10.2019
↧

Айваз Садыйров: "Өйләнгәч, сөйләнүсез булмый икән"

October 16, 2019, 5:53 am
$
0
0
16.10.2019 Шоу-бизнес
«Татар радиосы» баш мөхәррире Айваз Садыйровның өйләнүе турында язган идек. "Матбугат.ру" алдан хәбәр иткәнчә, туй 13 октябрьдә Казанның "Туган авылым" комплексында узды. Ә никахны 29 сентябрь көнне Арчада укыттылар.

Инде менә Айваз "камыт кигәннең" беренче көннәреннән алган хис-тойгылары белән уртаклаша.

"Өйләнү - түгел ул сөйләнү. Тик өйләнгәч, сөйләнүсез булмый икән. Сөйләгәннәргә, котлаганнарга, сүккәннәргә, мактаганнарга, хурлаганнарга - һәммәгезгә дә рәхмәт, иптәшләрем. Тормышымның бу этабына мин бик кәнәгать вә шат булып кердем", ди ул. 

Кәләш Алинә исемле. Айваз үзенең бәхетле көне турында “Матбугат.ру” хәбәрчесенә дә сөйләде, хисләре белән уртаклашты. Алинә нинди өлкәдә хезмәт куя дигән сорауга “Әлегә аның төп эше минем хатын булу” диде ди-джей. Яшьләр ел ярым очрашып йөргәннәр. “10 ел элек бер озатып куйган булганмын. Анысын үзе әйтте. Так что башыннан алып хәзергә кадәр 11,5 ел очраштык дияргә була. 10 еллык пауза белән”, – дип сөйләгән иде Айваз шаярып.               Посмотреть эту публикацию в Instagram                  

↧
↧

"Хуҗасыз баян сыкрап күңелне китеп алды": Шәфәгать Салихов вафатының бер елына дога итеп ШИГЫРЬ язганнар

October 16, 2019, 10:36 am
$
0
0
16.10.2019 Җәмгыять
Вакыт үткәне сизелми дә. 27 октябрьдә танылган баянчы Шәфәгать Салихов вафатына бер ел була. Артист Казан-Чаллы трассасында авариягә очрап, фаҗигале төстә һәлак булды. Быел Шәфәгать абыйга 60 яшь тулган булыр иде.

Чаллы шәһәрендә яшәп иҗат иткән Шәфәгать Салихов татар тамашачысына Салават Фәтхетдиновның беренче баянчысы буларак мәгълүм. Аның уйнавына кушылып, Салават Фәтхетдинов "Урсал тауда", "Әнкәмнең догалары" җырларын башкарды. 

"Матбугат.ру"га билгеле булганча, Әгерҗе районында гомер итүче, үзе дә, улы Илшат та заманында легендар баянчы белән бер сәхнәдә чыгыш ясаган шагыйрә Тәнзилә Хәбибуллина Шәфәгать Салиховка багышлап "Сагынабыз, юксынабыз" дигән шигырь багышлаган.
Якын иде Шәфәгатьнең Моңнары да, үзе дә. Шуңа күрә сагынабыз Юксынабыз бүген дә.
Сәхнәгә чыгып басса Кояш иде яктырткан. Татар халкы арасында Баянчы иде дан тоткан.
Җан җылысы, йөрәк хисе Тарала иде залга. Юксынып яшибез аны Киткәндәй бары ялга.
Сәхнәләрдә матур итеп Җырлаганы да истә. Мәңгелеккә күчкәненә Ышанып булмый һичтә.
Ишек ачып керер күк ул Баян каешын киеп. " Менә тагын килеп чыктык, Сезнең якларга" , - диеп.
Үлмәкләрдән калмаклар юк Иртәрәк китеп барды. Хуҗасыз баян сыкрап Күңелне китеп алды.
Тар каберләре киң булсын Урыннары җәннәттә. Моң күпере догаларны Ирештерер әлбәттә.
Онытмадык, юксынабыз Сагынабыз , Шәфәгать. Якты хатирә калдырдың Шуның өчен мең рәхмәт.   Бу юллар баянчы рухына дога булып барып ирешсен.  
---

--- | 16.10.2019
↧

Ноябрь шаккаттырачак ди

October 16, 2019, 10:36 am
$
0
0
16.10.2019 Җәмгыять
Ноябрь җылы килә. Гидрометүзәк мөдире Людмила Паршина бу хакта «Российская газета»га сөйләгән. Көзнең соңгы ае быел гадәттәгедән җылырак була, ди синоптиклар.
Паршина ханым белдерүенчә, һава торышы Мәскәү, Вологда, Новгород, Ленинград, Псков өлкәләрендә һәм Идел буенда гадәти булмаска охшаган. Шулай ук Урал, Ханты-Манси округы, Ямал, Приморье, Хабаровский крае, Магадан өлкәсе һәм Камчаткада яшәүчеләр дә ноябрьнең җылысын тояр.    Себер районнарында, Мурманский, Архангельский өлкәләрендә, Карелия һәм Коми республикаларында да гадәттәгедән җылырак булыр дип көтелә. Ә Русиянең көньягында һава торышы, киресенчә, түбәнрәк булмакчы икән. Краснодар крае, Кырымның көньяк өлешендә температура гадәттәгедән түбәнрәк булуы мөмкин.  Сынап карарбыз! Автор : Төхвәтуллина Алсу Чыганак: rg.ru Фото: pixabay.com
---

--- | 16.10.2019
↧
Search

"Хыялый"спектакле премьерасына 1 атна вакыт калды

October 16, 2019, 10:36 am
$
0
0
16.10.2019 Мәдәният
Авыл читендәге өйдә өлкән яшьтәге пар – хыялый Гыйззәт бабай һәм аның хатыны Шәрифә карчык яши. Тормышлары әйбәт, ләкин гомернең алтын көзенә кереп барсалар да, алар әле һаман бер-берсен аңларга өйрәнмәгән.
Авылга яңа шәфкать туташы Йолдыз килү белән, бу парның көнитешләре бөтенләй үзгәрә. Өстәвенә, яшь авыл советы рәисе Сәлим Йолдызны Гыйззәт бабай белән Шәрифә карчыкка йортка кертә.    Спектакль тамашачыларны дулкынландыргыч һәм шул ук вакытта көлкеле вакыйгаларның оста бирелеше белән җәлеп итәр. Бу маҗаралар безнең геройларны һәм тамашачыларыбызны да хыял дөньясында йөзәргә, тормышыбызны кадерләргә, ә иң мөһиме, аны сөю хисләреннән үрергә өйрәтәчәк.    Бу матур тарих көтелмәгән финалга китереп чыгарыр һәм беркемне дә битараф калдырмас. Хыял кошына күңелдә һәрчак урын табыла!!! 
---

--- | 16.10.2019
↧

Казанда "Курчак туе" күрсәттеләр

October 16, 2019, 10:36 am
$
0
0
16.10.2019 Мәдәният
"Мир" кинотеатрында "КИНО+ТЕАТР" проекты кысаларында чираттагы күрсәтү тәмамланды. Экранда Гаяз Исхакыйның "Курчак туе" әсәре буенча куелган драманы күрсәттеләр. Спектакльнең режиссеры-Фәрит Бикчәнтәев.
Икенче якшәмбедә 20 октябрь көнне әлеге күрсәтүләрне режиссер Илгиз Зәйниев, автор Ркаил Зәйдулланың «Үлеп яратты» («Любовь бессмертная») әсәре дәвам иттерәчәк.     Билетларны кинотеатр кассаларында һәм сайтта сатып алырга була, бәясе - 150 сум.
---

--- | 13.10.2019
↧
↧

Коткаручылар һәм волонтерлар Алабугада адашкан әбине тәүлек буе эзли

October 16, 2019, 10:36 am
$
0
0
16.10.2019 Хәвеф-хәтәр
Коткаручылар һәм волонтерлар бер тәүлек Алабугада адашкан өлкән хатын-кызны эзләде. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
полиция һәм волонтерлар китте. Эзләү төнге өчкә кадәр дәвам итте, әмма хатын-кызны таба алмадылар», - дип сөйләделәр Гадәттән тыш хәлләр министрлыгында   Икенче көнне «Лиза Алерт» волонтерларына 75нче янгын сүндерүчеләре һәм 5нче зона коткаручылары кушылды. Эзтабарлар төркеме өч квадрат километр урман, 15 квадрат километр кыр мәйданнарын, Мурзиха һәм Олы Армалы бистәләрен йөреп чыкты.   Кичкә таба волонтерлар өеннән бер чакрым ераклыктагы арада хатын-кызны таба. Аны табибларга тапшыралар.   
---

--- | 16.10.2019
↧

“Үзем үлгәнче, йөрәгемнән китмәс яра бу”

October 16, 2019, 10:36 am
$
0
0
16.10.2019 Язмыш
Игелек җирдә ятмый, диләр. Буада яшәүче Фәридә Садардинова моңа үз мисалында ышанган. Ятим өч баланы үз канаты астына алып үстереп, ул алардан бүген игелек күрә. Ә бит тормышы ал да гөл булмаган. Яшьли ирен, буй җиткән кызын да югалта ул. Елыйсы килгән чакларда да көчле булырга өйрәнә.
– Без гаиләдә биш бала үстек. Мин иң кечесе идем. 19 яшем тулгач, кияүгә чыктым. Бер елдан кызым Илсөярне сөя идем инде. Яшьлек белән берни сизелмәгән. Тормышның бер авырлыгын тоймыйча гомер иттем. Аннары Илмирам һәм Флүрәмне алып кайттым. Дүртенчегә Аллаһы Тәгалә малай бирде, – дип сөйли Фәридә апа. – Менә шул вакытта апам Гөлҗиһан авырып китте. Авыруы көчле булды, өч баласын калдырып, якты дөньядан китеп барды. Мин аның сабыйларын үземә алдым. Ул чакта кызларга – 11, 9 һәм 6 яшь иде. Сеңлем балалары миңа әни дип тә әйтмәкче иде. Тик кушмадым. Ана кеше бер генә була ул. Әле ярый, ирем Тәлгать бик тә әйбәт кеше иде. Аның белән бергә 24 ел яшәп калдык. Җиде баланы кочаклап, 43 яшемдә тол калдым.   Ире үлгәннән соң  Фәридә апаның башына тагын бер хәсрәт килә. Көтмәгәндә кызы Флүрәдә авыру табалар. 28 яшендә кан рагыннан үлеп китә ул. Ана өчен бу хәсрәттән дә авыры булмый. Әле дә ул кызы хакында тыныч кына сөйли алмый.   – Гомерлек хәсрәт шушы булгандыр. Үзем үлгәнче, йөрәгемнән китмәс яра бу. Ул чактагы елауларым, хәсрәтләнүемне үзем генә беләм. Бик авыр иде. Хәзер дә йөрәк сыкрап тора, – дип искә ала Фәридә апа.   Язмыштыр инде, Фәридә апа икенче тапкыр кияүгә чыгып куя. Хатынсыз калган Илгизәр абый белән, тәвәкәлләп, уртак тормыш коралар. Әниләре гаилә корганда кызлар буй җитсә дә, энеләре Илнурга ун гына яшь була. Шөкер, чит кешене якын итеп күрәләр.   – Илгизәр белән яши башлагач, мин 46 яшемдә кыз бала таптым. Аллаһы Тәгалә минем бакыйлыкка күчкән балам өчен өзгәләнүемне күргәндер, мөгаен. Олыгайган көнебездә Ильвиналы булдык. Хәзер кызыбызга 21 яшь инде. Аңа карап сөенеп туя алмыйбыз, – ди Фәридә апа.   Нинди генә авырлык килсә дә, күңелсез сүзләр ишетелсә дә, Фәридә апа аларны җырлап-биеп җиңәргә өрйәнә. Күңелен бер дә төшерми. Гомере буе бары тик бер урында гына эшләп, лаеклы ялга чыга. Ә аннары яңадан яшьлегенә кайта. Хәзер ул ансамбльгә йөри. Аларны Татарстанда гына түгел, чит төбәкләрдә таныйлар.   – Кыланмаган калмады инде. Районда узган “Супер әби” бәйгесендә дә катнаштым. Бер дә картаясы килми бит әле. Үч иткәндәй, олыгая баруны искә төшереп торалар. Бу арада бәйрәмнәргә чакыруларын әйтәм. Монысын шаяртам гына. Әмма күңел гел унсигездә тора кебек. Кечкенә кызыбыз безнең яшьлекне тагын да озайтты шул. Әле бер дә сер бирәсе килми, – ди Фәридә апа. – Илгизәрнең беренче гаиләсе белән дә тату яшибез. Мин бит аны хатыныннан тартып алмадым. Без өйләнешкәндә, ул башкада кияүдә иде. Ә менә улын бик яратабыз. Ул безгә килеп йөри. Килсен генә. Гаиләбез бик тату. Апам кызлары да үземнеке кебек. Без синеке-минекегә бүлеп тормыйбыз. Бездә бар да бербөтен. Яшьлектә дә бәхетсез булмадым. Әмма иң рәхәт көннәрем олыгайган чагыма калган икән. Язмыш сынап торды, ә мин бирешмәдем. Аллаһы Тәгалә дә сынауларны күтәрмәс кешегә бирми шул.
---

--- | 16.10.2019
↧

Танылган татар язучысының оныгы рэпер Тиматиның улы туган (ФОТО)

October 17, 2019, 3:13 am
$
0
0
17.10.2019 Шоу-бизнес
Популяр рэпер Тимати (Тимур Юнысов) икенче тапкыр әти булган. Мондый бәхетне аңа сөйгәне, күптән түгел рәсми рәвештә никахлашкан тормыш иптәше модель һәм эшмәкәр Анастасия Решетова бүләк иткән.

"Матбугат.ру"га билгеле булганча, сабый кичә, 16 октябрь көнне, Мәскәү клиникаларының берсендә туган. Инстаграм аша уртаклашкан фотоларда Тимати баланы кулында тота. Күрәсең, рэпер хатыны бәбиләгән вакытта аның янәшәсендә булган, чөнки фото хастаханәдә ясалган.

Бәхетле пар улларына Ратмир дип исем кушмакчы була. Тиматиның бу икенче баласы. Аның Алена Шишкова исемле туташтан 5 яшьлек кызы Алиса үсеп килә.

Сүз уңаеннан, моңа кадәр "Матбугат.ру"да Тимати - Тимур Илдар улы Юнысовны татар язучысы, публицист Миргазиян Юныс белән туганлык җепләре дә бәйли дип хәбәр иткән идек. Рэпер аңа туганнан туган онык булып чыга.

       
---

--- | 17.10.2019
↧
Viewing all 24670 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>